قيل وقال

قيل وقال
.................
هو|من جربت ليلج ........انه مامرتاح
لان ليلج غفه...............وانه اسهرت وحدي
ومن عديت عمرج والله ما مرتاح
لان عمرج ادموع وتاكل بخدي
ومن جربت صبرج
حيل ما مرتاح .....لان صبرج جبان ولايذ بسدي
هي|بس اسمحلي اكلك انت قاسي وياي
ومدي شبدلك وتغيرت ضدي
حبيتك صدك ماجذبت عالروح
وبحبك صحيح اتجاوزت حدي
هو|بس كالولي عنج انتي ماتحبين
اوصلولي سوالف ماني سامعه
كالوانتي صلفه ومايهزج شوك
ورغم الحجي كله وكلت تابعها
كالوا ماتوفي وكالو اتخونين
وكالو حنها مروكات اجرعها
حاجيني بصراحه وريحي كلبي وياج
موروح مصيبه شلون اقنعه
هي|لاتاخذ حجيهم كلشي تحجي الناس
هم عنك حجولي اشكال يابو ا شكال
كالوا مايفيدج كلبه ويه اهواي وج بالج يغرج بالحجي الينكال
بس حبيتك انه برغم كل الناس واحس كل الحجولي وداعتك عذال
هو|من سألوني عنج خطف الشوك
ومبين عليه العشك من لوني
ومدري شبيه رأسن ارتبك واحتار لو مره عليج الناس سألوني
يل عشتي بخيالي من الصبح لليل
يل صرتي قضيه وساكنه اظنوني
مرات اشوفج انتي مو وياي
وكول وياي هي اتجذب اعيوني
مرات اختنك بالعبره حد الياس
وعلى ظيم اللي بيه الناس حسدوني
وانتي شرد اكلج..................
هي|كول...لا تحتار...
زعلني احبك حد غلاة الروح
دمرني بهواك وزيد اجنوني
أنا بدونك حديقه...وما يمرها الماي..
افكربيك انت..شلون من دوني؟؟؟؟